ТОШКЕНТ, 4 фев — Sputnik. Тошкент вилоятида ичимлик суви ва оқова хизматлар учун тарифлар оширилди. Бу ҳақда Халқ депутатлари Тошкент вилояти Кенгаши томонидан қабул қилинган тегишли қарорда назарда тутилган.
Ҳужжатга кўра, ичимлик суви аҳолига 1 м3 учун 2000 сўм, юридик шахсларга эса 1 м3 учун 9000 сўм этиб белгиланди. Шунингдек, энди оқова сув хизмати учун аҳоли 1 м3 учун 1000 сўм, юридик шахслар эса 1 м3 учун 2000 сўм тўлайди.
Янги тарифлар 20 февралдан бошлаб қўлланилади.
Эслатиб ўтамиз, бу йил Ўзбекистон аҳолисини марказлашган ичимлик суви билан таъминланганлик даражаси 74,4 фоиздан (2022 йил) 77,2 фоизга кўтарилди.