Сурхондарёда икки минг йиллик шаҳар қолдиқлари топилди
10:03 30.05.2024 (янгиланди: 10:37 30.05.2024)
© пресс-служба хокимията Сурхандарьинской области
Oбуна бўлиш
Ўзбекистон Хитой билан ҳамкорликда 4 минг йиллик тарихга эга қабрларни топди.
ТОШКЕНТ, 30 май — Sputnik. Сурхондарё вилоятида икки минг йиллик тарихга эга шаҳар қолдиқлари топилди, дея хабар берди вилоят матбуот хизмати.
Қайд этилишича, вилоятнинг Узун тумани ҳудудида Ўзбекистон-Хитой қўшма археологик экспедицияси амалга оширилди.
Сурхондарёда икки минг йиллик тарихга эга шаҳар қолдиқлари топилди
© пресс-служба хокимията Сурхандарьинской области
Тадқиқот ишлари давомида 4 минг йиллик тарихга эга қабрлар ва 2 минг йиллик шаҳар қолдиқлари топилди.
Сурхондарёда икки минг йиллик тарихга эга шаҳар қолдиқлари топилди
© пресс-служба хокимията Сурхандарьинской области
“Изланишлар давомида турли хил сопол идишлар, қурол-аслаҳалар, тақинчоқлар, ҳайкалчалар, шаҳарча миноралари қолдиқлари ҳамда турли қадимий қабрлар аниқланди. Олимларнинг дастлабки хулосаларига кўра, ушбу археологик топилмалар эрамиздан аввалги II - эрамизнинг III асрларига оид Қанғ, Кушон ва Юэчжи (Массагетлар) даврига тегишли эканлиги аниқланган”, — дейилади хабарда.
Хабарга кўра, ҳозирда ҳудудда ўрганиш ишлари давом эттирилмоқда.
Сурхондарёда икки минг йиллик тарихга эга шаҳар қолдиқлари топилди
© пресс-служба хокимията Сурхандарьинской области
Эслатиб ўтамиз, Ўзбекистонда ўтган йилнинг 1 январь ҳолатига кўра, моддий маданий мерос объектларининг умумий сони 8210 тани ташкил этган, улардан 4797 таси археологик ёдгорликлардир. Археологик ёдгорликларнинг аксарияти республиканинг Қашқадарё вилоятида жойлашган. Статистика агентлиги маълумотларига кўра, у ерда уларнинг 1197 таси бор.
