ТОШКЕНТ, 15 дек — Sputnik. Ўзбекистонда жорий йилнинг 11 ойи давомида мазкур моддада назарда тутилган жиноятни содир этган 1 748 нафар шахс судланди. Уларнинг 191 нафари озодликдан маҳрум қилинган. Бу ҳақда Олий суд матбуот хизмати хабар берди.
Маълум қилинишича, қолган 1 557 нафар шахсга озодликдан маҳрум қилиш билан боғлиқ бўлмаган жазолар — жарима, мажбурий жамоат ишлари, ахлоқ тузатиш ишлари, озодликни чеклаш ёки шартли ҳукм тайинланган. Шунингдек, 4 нафар шахсга нисбатан тиббий йўсиндаги мажбурлов чоралари қўлланилган.
2024 йилда мазкур модда бўйича 1 875 нафар шахс судланиб, уларнинг 258 нафари озодликдан маҳрум қилинган, 1 617 нафарига эса озодликдан маҳрум қилиш билан боғлиқ бўлмаган жазолар тайинланган. Шунингдек, 8 нафар шахсга тиббий йўсиндаги мажбурлов чоралари қўлланилган.