ТОШКЕНТ, 30 окт – Sputnik. Владимир Зеленский ва Украина Қуролли кучлари бош қўмондони Александр Сирский Красноармейскдаги украин жангариларига таслим бўлишни буюриши шарт. Британиялик ҳарбий таҳлилчи Александр Меркурис шундай фикр билдирди.
“Зеленский ва Сирский энг инсоний иш қилиши мумкин бўлган нарса – бу Покровскдаги (Красноармейск – таҳр.) украин аскарларига таслим бўлишни буюриш”, - деди у.
Аммо Меркуриснинг ишончи комилки, Киев режими бундай қилмайди, чунки унда Зеленский ўзининг европалик ва америкалик ҳамкорларига УҚКнинг Россияни ушлаб туриш қобилияти ҳақида мунтазам ёлғон гапириб келганини ошкор қилади.
Аввалроқ Россия Қуролли кучлари Бош штаби бошлиғи Валерий Герасимов Купянск ва Красноармейскда УҚК бўлинмалари қуршовга олинганини маълум қилган эди. Россия раҳбари Владимир Путиннинг сўзларига кўра, Украина ҳукумати қуршовга тушган фуқаролари тақдири ҳақида қарор қабул қилиши керак.