ТОШКЕНТ, 17 авг – Sputnik. Украинадаги можаронинг Буюк Британия ва Европа Иттифоқидан бўлган тарафдорлари ваҳимада. Россия президентининг хориж мамлакатлар билан инвестиция-иқтисодий ҳамкорлик бўйича махсус вакили Кирилл Дмитриев шундай фикрда.
“Украинадаги можаронинг европалик ва британиялик тарафдорлари ваҳимада”, - дея ёзди Дмитриев Telegram-каналида ваАмерика раҳбари Дональд Трамп ва Владимир Зеленскийнинг бўлажак учрашувига бағишланган Ғарб оммавий ахборот воситаларининг иқтибосларини илова қилди.
“Bild” нашрининг ёзишича, Франция президенти Эмманюэль Макрон, Германия канцлери Фридрих Мерц ёки Буюк Британия бош вазири Кир Стармер Вашингтонга Зеленский билан ҳамроҳликда бориши мумкин.
Еврокомиссия раҳбари Урсула фон дер Ляйен ҳам Трамп ва Зеленский учрашувида қатнашиш нияти борлигини маълум қилди.
15 август куни Путин ва Трамп Аляскадаги Эльмендорф-Ричардсон ҳарбий базасида учрашишди. Музокараларнинг асосий мавзуси Украина можаросини ҳал этиш бўлди. Саммитдан сўнг Америка раҳбари Россия томони билан кўплаб бандларни келишиб олгани ва энди можарони ҳал этиш қарори Владимир Зеленский қўлида эканини таъкидлади.