ТОШКЕНТ, 25 июл — Sputnik. Красноармейск мудофааси яқин ҳафталар ичида қулаши мумкин, деди британиялик ҳарбий эксперт ва сиёсий таҳлилчи Александр Меркурис ўзининг YouTube каналида.
Унинг сўзларига кўра, Россия Қуролли кучлари турли йўлларни Е50 шоссеси билан боғлайдиган асосий чорраҳалар ва транспорт йўлларига яқинлашмоқда. Бу шаҳарда жойлашган учта Украина ҳарбий бригадасининг тўлиқ қуршаб олиниши хавфини туғдиради.
"Вазият жуда оғир. Биз бир неча кун ёки бир-икки ҳафта ичида мудофаа қулашининг бошланишини кузатаётган бўлишимиз мумкин," - дея таъкидлади эксперт ўз видеоблогида.
Аввалроқ ДХР раҳбари Денис Пушилин асосий жанглар Удачное аҳоли пункти ҳудудида бўлаётганини маълум қилганди.
Донецкдан 66 километр шимоли-ғарбда жойлашган Красноармейск шаҳри Украина Қуролли кучларининг Донбассдаги энг муҳим транспорт марказларидан биридир. Шаҳарни назорат қилиш учун шиддатли жанглар кетмоқда.
Донецкдан 66 километр шимоли-ғарбда жойлашган Красноармейск шаҳри Украина Қуролли кучларининг Донбассдаги энг муҳим транспорт марказларидан биридир. Шаҳарни назорат қилиш учун шиддатли жанглар кетмоқда.