TOШКЕНТ, 21 май — Sputnik. "Ўзатом" агентлиги ва Венгриянинг MVM EGI Zrt. давлат корхонаси ўртасида ҳамкорлик ҳужжатлари имзоланди, дея хабар берди компания матбуот хизмати.
Ўзбекистон президенти Шавкат Мирзиёев ва Венгрия бош вазири Виктор Орбан ҳузурида бўлиб ўтган музокаралар якунида ҳукуматлараро ва идоралараро, шу жумладан, атом энергиясидан тинч мақсадларда фойдаланиш соҳасида икки томонлама ҳамкорликни ривожлантиришга қаратилган бир қатор ҳужжатлар алмашувлари бўлиб ўтди.
Узатом привлек компанию из Венгрии для внедрения технологий на строительстве АЭС
© Агентство "Uzatom"
Хусусан, "Ўзатом" агентлиги ва Венгриянинг MVM EGI Zrt. давлат корхонаси ўртасида ҳамкорлик тўғрисидаги битим ва англашув меморандуми имзоланди.
Ҳамкорлик тўғрисидаги битим қуйидагиларни назарда тутади:
илмий тадқиқотлар ўтказиш;
янги технологияларни ишлаб чиқиш ва жорий этиш;
атом электр станцияларида қуруқ совитиш тизимларини етказиб бериш ва амалда татбиқ қилиш;
технологияларни маҳаллийлаштириш;
зарур инфратузилмани яратиш;
мутахассисларни тайёрлаш ва уларнинг малакасини ошириш.
Айтилишича, ўзаро англашув меморандуми, ўз навбатида, узоқ муддатли ва ўзаро манфаатли шериклик асосларини шакллантиришга қаратилган.
Ушбу ҳужжат Ўзбекистон ҳудудида атом электр станцияларини қуриш бўйича лойиҳаларни амалга оширишда томонларнинг ўзаро ҳамкорлиги механизмларини белгилайди.
Маълумот учун, Венгриянинг MVM EGI Zrt. компанияси 1948 йилда ташкил этилган бўлиб, ички ва халқаро бозорда энергетика секторининг етакчиси ҳисобланади. У бутун дунё бўйлаб минглаб электр станциялари учун ишончли асос бўлган сувни тежайдиган совутиш тизимларини ишлаб чиқиш ва жорий этишга ихтисослашган.