ТОШКЕНТ, 7 апр – Sputnik. Россия Федерацияси Федерал Мажлиси Федерация кенгаши раиси Валентина Матвиенко Ўзбекистонни ишончли ҳамкор деб атади, деб хабар бермоқда Sputnik мухбири.
Матвиенко мамлакат президенти Шавкат Мирзиёев билан бўлиб ўтган учрашувини илиқ ва мазмунли бўлганини қайд этди. Унинг сўзларига кўра, Мирзиёев – амалиётчи етакчи, агар у мамлакат ҳаётида парламентнинг ролини ошириш керак деб айтса, у буни албатта амалга оширади.
Россия Федерал Мажлиси Федерация кенгаши раиси Ўзбекистон раҳбари Москвадаги Ғалабанинг 80 йиллигига бағишланган тадбирларда иштирок этишини тасдиқлаганини қўшимча қилди.
У Россия ва Ўзбекистон бир-бирининг манфаатларини эшита оладиган ва ҳурмат қиладиган ҳақиқий иттифоқчилар эканини таъкидлади.
Шунингдек, Матвиенко Парламентлараро иттифоқнинг юбилей сессияси Ўзбекистонда ўтказилаётгани бу мамлакат нуфузи жаҳон майдонида эътироф этилиши эканини қайд этди ва Ўзбекистон Сенати раиси Танзила Нарбаевага форумни юқори даражада ташкил этгани учун миннатдорчилик билдирди.