TOШКЕНТ, 6 янв — Sputnik. Россиянинг “МИСиС” Фан ва технология университетининг Олмалиқ шаҳридаги филиали "Электр энергетикаси ва электротехника" йўналиши бўйича таълим бериш учун лицензия олди. Бу ҳақда Энергетика вазирлиги матбуот хизмати хабар берди.
“Ўзбекистонда яна бир университет филиалида халқаро даражадаги энергетиклар тайёрланиши бошланади. "МИСИС" университетининг Олмалиқ филиали "Электр энергетикаси ва электротехника" йўналиши бўйича таълим бериш учун лицензия олди. Лицензия олиш жараёни бир йилдан ортиқ вақт талаб этади ва бир қатор вазифаларни ўз ичига олади: кампусда шароит яратишдан тортиб, профессор-ўқитувчилар таркибини тайёрлашгача”, — дейилади хабарда.
Талабалар қабули 2025 йилдан бошланади. Филиал негизида магистрлик дастурларини ўз ичига олган Илғор муҳандислик мактаби (ИММ) ҳам ташкил этилади.
Филиал 2018 йилдан бери фаолият юритиб келмоқда ва аллақачон кончилик, металлургия ва автоматлаштириш соҳасида мутахассислар тайёрламоқда.