ТОШКЕНТ, 30 мар — Sputnik. Ўзбекистонда 30 апрель куни бўлиб ўтадиган референдумда Конституцияга киритилган ўзгартиришлар қабул қилинса, улар дарҳол кучга киради. Бу ҳақда Ўзбекистоннинг Москвадаги элчихонаси маслаҳатчиси Зокир Заитов журналистларга маълум қилди.
“Конституция президент имзосисиз кучга кирадиган ягона қонун бўлади. Референдум натижалари эълон қилинганидан кейин”, — деди у брифингда.
Ўзбекистонда 30 апрель куни Конституция бўйича референдум ўтказиш режалаштирилган. Референдумда муддатидан олдин овоз бериш жараёни 19-26 апрелда бўлиб ўтади.