Президент Шавкат Мирзиёевнинг таклифига биноан Туркманистон президенти Гурбангули Бердимуҳамедов 23-24 апрель кунлари давлат ташрифи билан Ўзбекистонга келди.
Ўзбекистон ва Туркманистон ўртасида икки томонлама ҳужжатларни имзолаш маросими бўлиб ўтди
Сиёсий, савдо-иқтисодий, инвестициявий, транспорт-коммуникация, таълим ва спорт соҳаларида икки томонлама ҳамкорликни янада мустаҳкамлашга қаратилган ҳужжатлар тўплами имзоланди.
Ўзбекистон президенти Шавкат Мирзиёев 24 апрель куни Хоразм вилоятига келди.
Ташриф дастуридан бир қатор маданий тадбирлар ўрин олган. Давлат раҳбарларининг Урганч туманидаги "Улли ҳовли", Хива шаҳридаги "Ичан қалъа" ва Нуриллабой тарихий мажмуаларни бориб кўришди.
Хоразм вилояти Урганч туманида жойлашган Ғойбу қишлоғида Ўзбек-туркман дўстлик уйи очилди.
