Трамп Си Цзиньпин аэропортда шахсан кутиб олган биринчи хорижий раҳбар бўлди

© AP Photo / Mark SchiefelbeinСи Цзиньпин лично встретил Дональда Трампа в аэропорту
Си Цзиньпин лично встретил Дональда Трампа в аэропорту - Sputnik Ўзбекистон, 1920, 18.11.2026
Oбуна бўлиш
Си Цзиньпин биринчи марта хорижий давлат раҳбарини аэропортда шахсан кутиб олди. 19 ноябрда у Путин ва Трамп билан учрашади.
ТОШКЕНТ, 18 ноя — Sputnik. Хитой раҳбари Си Цзиньпин АҚШ президенти Дональд Трампни Шенчжен аэропортида шахсан кутиб олди. Икки давлат раҳбари қўл бериб кўришди ва қучоқлашди, деб хабар берди Синьхуа агентлиги.
"Reuters" маълумотига кўра, Си Цзиньпин Хитой раҳбари бўлганидан буён илк бор хорижий давлат раҳбарини аэропортда шахсан кутиб олди. Бу Трампнинг сентябрь ойида Си Цзиньпинни АҚШга ташрифи чоғида худди шундай кутиб олганига жавоб бўлди.
Трамп Хитойга 18–19 ноябрь кунлари ўтаётган Осиё-Тинч океани иқтисодий ҳамкорлиги (ОТИҲ) саммитида иштирок этиш учун келди.
19 ноябрда АҚШ, Россия ва Хитой раҳбарларининг илк уч томонлама учрашуви ўтказилиши режалаштирилган.
Музокараларда ядровий қуролларни қисқартириш, Эрон атрофидаги вазият, халқаро хавфсизлик ва савдо-иқтисодий муносабатлар муҳокама қилиниши кутилмоқда.
Трамп Украина можаросини ҳам Путин ва Си Цзиньпин билан муҳокама қилиш ниятини билдирган. Унинг фикрича, можарони ҳал этиш бўйича келишувга эришиш имконияти яқинлашмоқда.
Шунингдек, АҚШ ва Хитой раҳбарлари алоҳида музокаралар ўтказиши режалаштирилган. Уларда савдо божлари, юқори технологиялар ва сунъий интеллект соҳасидаги рақобат асосий масалалардан бўлиши кутилмоқда.

Аввалроқ Путин ва Си Цзиньпин Шэнчьженда икки томонлама музокара ўтказган эди.

ОТИҲ 21 та иқтисодиётни бирлаштиради. Улар ҳиссасига жаҳон иқтисодий фаолиятининг қарийб 60 фоизи тўғри келади.
Флаги России, США и Китая - Sputnik Ўзбекистон, 1920, 16.11.2026
Путин, Трамп ва Си Цзиньпин бутун дунёда тинчликни сақлашни муҳокама қилади — Хитой ТИВ
Янгиликлар лентаси
0