Эрон ТИВ раҳбари Россия етакчиси билан учрашмоқчи — тафсилотлар
16:31 22.06.2025 (янгиланди: 12:06 24.06.2025)
© Sputnik / Григорий Сысоев
/ Oбуна бўлиш
Эрон ТИВ: биз нима учун Эрон ядро қуролини ишлаб чиқмоқда деган сохта баҳона билан унга ҳужум қилиш кераклигини тушунмаяпмиз.
TOШКЕНТ, 22 июн — Sputnik. Эрон ташқи ишлар вазири раҳбари Аббос Ароқчи АҚШнинг мамлакат ядровий объектларига берган зарбаларидан сўнг баёнот берди.
Дипломат Теҳрон бунга қандай жавоб беришини айтди ва атом лойиҳасининг келажагига баҳо берди.
Қуйидашилар маълум қилинди:
Эрон Вашингтон ҳужумларига жавоб беришга мажбур;
мамлакат ўзини барча мавжуд воситалар билан ҳимоя қилишда давом этади;
Айнан Қўшма Штатлар дипломатияга хиёнат қилди;
Улар Эрон халқига қарши операция ўтказмоқда;
Фақат улар жавобгар, Эрон БМТ Низоми ва тегишли моддаларга мувофиқ ўзини ҳимоя қилиш ҳуқуқига эга;
Эрон ўз хавфсизлиги ва хавфсизлик манфаатларини ҳимоя қилиш учун барча чораларни кўради;
ядровий объектларга берилган зарбалардан етказилган зарар тўғрисида маълумотлар ҳозирча йўқ;
Теҳронда Ғарбга ишониш учун сабаблар камайди;
шунга қарамай, дипломатия эшиклари очиқ қолиши керак.
"Ҳозирги вазиятда биз дипломатия бўйича, ким билан музокара олиб бориш бўйича бир қарорга кела олмаймиз. Ҳужумлар тўхтаганидан сўнг, биз дипломатияни қандай тиклаш ҳақида ўйлаб кўрамиз", — деди у.
мамлакат АҚШдан турли каналлар орқали хабарлар олмоқда, зарур ҳолларда воситачилар орқали уларга жавоб беради;
Эрон ядро дастури тинчлик йўналишида давом этади;
Эрон ҳеч қандай ёмон иш қилмади;
биз нима учун Эрон ядро қуролини ишлаб чиқмоқда деган сохта баҳона билан унга ҳужум қилиш кераклигини тушунмаяпмиз.
Мана 20 йилдирки, биз тинч ядро дастуримиз аслида тинч эканлигини ва шундай бўлиб қолишини исботлашга ҳаракат қилмоқдамиз.
Дипломат 23 июнь куни Владимир Путин билан учрашув ўтказишни режалаштирмоқда. Эрон БМТ, МАГАТЭ ва бошқа ташкилотларни халқаро ҳуқуқнинг бузилишига жавобан чоралар кўришга чақирган.
