Учувчининг хабари ва тирик йўловчи: Ҳиндистондаги самолёт ҳалокати ҳақида нималар маълум?
© AP Photo / Ajit SolankiСпасатели работают на месте крушения самолета в северо-западном городе Индии Ахмадабад в штате Гуджара

© AP Photo / Ajit Solanki
Oбуна бўлиш
Самолёт ҳалокатидан омон қолган ягона шахс Буюк Британия фуқароси бўлиб чиқди.
ТОШКЕНТ, 13 июн — Sputnik. Ҳиндистонда қулаган Boeing 787 Dreamliner самолёти учувчиси Сумит Сабхарвал ҳалокатдан бир неча сония олдин диспетчерларни самолёт қувватини йўқотаётганидан огоҳлантирган, дея хабар берди The Telegraph.
"Mayday (офат сигнали. - Таҳр), тортиш кучи йўқ, қувват йўқолмоқда, самолётни кўтаришнинг иложи йўқ", — дея унинг сўзларини келтиради нашр.
Шунингдек, Сабҳарвалнинг елкасида 8200 соатлик рейс бўлганига аниқлик киритилган. Boeing 787-8 Dreamliner самолёти ҳалокатидан омон қолган ягона шахс Буюк Британия фуқароси бўлиб чиқди.
© Foto : Фото из соцсетей Билет выжившего в крушении лайнера в Индии

Билет выжившего в крушении лайнера в Индии
© Foto : Фото из соцсетей
"Лондонлик 40 ёшли Вишваш Кумар Рамеш ғарбий Аҳмадобод шаҳри чеккасида самолёт қулаганидан кейин атрофида жасадларни кўрганини айтди. Полициянинг хабар беришича, тирик қолган одам 11А ўриндиғида ўтирган, бу парвоз варақасида кўрсатилган Рамешнинг исмига тўғри келади. Унинг қандай омон қолгани номаълум, бироқ самолётнинг қисмлари ҳалокатдан кейин бутун қолган кўринади", — дейилади материалда.
Нашр маълумотларига кўра, Рамеш оиласига ташриф буюриб, укаси билан бирга Буюк Британияга қайтаётган бўлган, у ҳам самолётда бўлган ва бошқа қаторда ўтирган.
Air India авиакомпаниясининг Аҳмадободдан Лондонга учаётган Boeing787-8 Dreamliner самолёти пайшанба куни эрталаб ҳалокатга учради. Сўнгги маълумотларга кўра, воқеа жойида фақат бир киши тирик қолган, жами қурбонлар сони 310 дан ошган.
© AP Photo / Ajit SolankiРаботники гражданской больницы ждут получения останков жертв самолета, потерпевшего крушение в северо-западном индийском городе Ахмадабад в штате Гуджара

Работники гражданской больницы ждут получения останков жертв самолета, потерпевшего крушение в северо-западном индийском городе Ахмадабад в штате Гуджара
© AP Photo / Ajit Solanki
Дастлабки маълумотларга кўра, борт максимал баландлиги 190 метрга етган (аэропортнинг баландлиги тахминан 60 метр), сўнгра вертикал тезлиги дақиқасига 144 метр бўлган пасайишни бошлаган. Самолёт бортида 242 киши - 230 йўловчи ва 12 нафар экипаж аъзоси бўлган. Самолёт аэропорт яқинидаги Мегани Нагар туманидаги шифокорлар ётоқхонаси томига қулаб тушди, камида йигирма нафар тиббиёт коллежи талабаси ҳалок бўлди.