Элчихона: Ўзбекистонда қирғизлар ҳуқуқи поймол этилаётгани ҳақиқатга мос келмайди

© Правительство КРВ Кыргызстан прибыла делегация Республики Узбекистан
В Кыргызстан прибыла делегация Республики Узбекистан - Sputnik Ўзбекистон
Oбуна бўлиш
Элчихона Қирғизистон нашрларидан бирида Ўзбекистонда қирғизлар ҳуқуқи поймол этилаётгани айтилган мақолани ҳақиқатдан йироқ деб атади

ТОШКЕНТ, 16 июн — Sputnik. Ўзбекистоннинг Қирғизистондаги элчихонаси матбуот релизида билдирилишича, 14 июнь куни "24.kg" ахборот агентлигининг электрон порталида нашр мухбири Юлия Костенконинг "Қирғизистон ташқарисида 900 мингдан ортиқ этник қирғизлар яшайди" номли хабари чоп этилган.

Унда Қирғизистон омбудсмани Кубат Оторбаевнинг маърузасига таянган ҳолда давлат миграция хизматининг маълумотларига кўра Қирғизистондан ташқарида 900 мингдан ортиқ этник қирғизлар яшаши айтилади. Энг кўп этник қирғизлар эса Ўзбекистонда — 300 минг киши.

Мирзиёев Атамбоевга: бизнинг орамизда чегара бўлмаслиги керак - Sputnik Ўзбекистон
Мирзиёев Атамбоевга: бизнинг орамизда чегара бўлмаслиги керак

Хабарда "Ўзбекистон ҳамда Тожикистонда Қирғизистонга кўчиб ўтишни истайдиган қирғизлар кўпчиликни ташкил этади. Бунинг сабаби — уларнинг ҳуқуқлари поймол қилиниши: қирғиз тилида таълим берувчи мактабларнинг ёпилиши, уларни ишга олишдаги чекловлар" дейилган.

Ўзбекистоннинг Қирғизистондаги элчихонаси матбуот хизмати Ўзбекистонга тегишли мазкур иддао ҳақиқатга мос келмаслигини, ҳеч қандай асосга эга эмаслигини маълум қилди. Ушбу хабар юқорида айтилган маълумотларни олдиндан текширмасдан тарқатилган ва буткул нохолис ҳисобланади.

Элчихона Ўзбекистонда барча фуқароларга, жумладан мамлакат ҳудудида истиқомат қилаётган қирғиз миллатига ҳам ғамхўрлик билан ёндашилгани, ёндашилаётгани ва бундан буён ҳам ғамхўрлик қилинишини билдирди.

Матбуот релизида айтилишича, Ўзбекистонда 6та маданий марказ мавжуд — Андижон, Наманган, Фарғона, Жиззах, Сирдарё ва Тошкентда (1995 йилдан буён фаолият кўрсатиб келаётган бу марказ Ўзбекистондаги қирғизларнинг маданий марказларини бирлаштиради).

Чегарадаги аскар - Sputnik Ўзбекистон
Ўзбекистон ва Қирғизистон чегара масаласини Андижонда кўриб чиқадиган бўлди

Республика байналмилал маданий марказининг 25 йиллигига бағишланган тантанали тадбирда қирғиз диаспорасининг икки вакили (Андижон вилояти Жалақудуқ туманидаги 27-мактаб ўқитувчиси У.Маматалиева ва Фарғона вилояти Фарғона туманидаги 25-мактаб ўқитувчиси Н.Халибаева) Ўзбекистон президенти Ш.Мирзиёевнинг фармонига мувофиқ давлат мукофоти билан тақдирланган.

Ўзбекистонда қирғиз тилида 56 мактаб мавжуд бўлиб, уларда 8 мингдан ортиқ бола таълим олади. Андижон давлат университетида "Она тили ва адабиёти: қирғиз тили ва адабиёти" бакалавриати мавжуд бўлиб, 2015/2016 ўқув йилида унга 75 нафар талаба қабул қилинган.

Элчихона Қирғизистон нашрларида бундан кейин бу тарздаги нохолис материаллар берилмаслигига умид билдирган.

Янгиликлар лентаси
0