Ўзбекистонлик талабалар сони ошишидан хурсанд бўламиз - Татаристон президенти

© SputnikУзбекские студенты в посольстве РУз в Москве
Узбекские студенты в посольстве РУз в Москве - Sputnik Ўзбекистон
Oбуна бўлиш
Татаристон раҳбарининг фикрича, спорт ва туризм соҳасида ҳамкорликни кенгайтириш учун яхши имкониятлар мавжуд

ТОШКЕНТ, 15 мар — Sputnik. Татаристон президенти Рустам Минниханов республикада ўзбекистонлик талабалар сони ошишидан хурсанд бўлишини билдирди. У бу ҳақда Қозон Кремлида Самарқанд вилояти ҳокими Ҳиммат Оқбўтаев билан учрашув чоғида айтди.

Эслатиб ўтамиз, ҳоким бошчилигидаги Самарқанд вилояти делегацияси Татаристонга расмий сафари чоғида "Алабуга" махсус иқтисодий зонаси, Иннополис инновацион ИТ шаҳарчаси ҳамда "Камаз" заводи ишлаб чиқариш майдони билан танишди.

Световое шоу на Спасской башне Казанского Кремля - Sputnik Ўзбекистон
Самарқанд вилояти ҳокими Татаристон президенти билан учрашади

Меҳмонларни кутиб олар экан, Рустам Минниханов ўзбек делегациясининг мазкур ташрифи Татаристон ва Ўзбекистон ўртасидаги ўзаро ҳамкорликни янада кучайтиришига ишонч билдирди.

Рустам Миннихановнинг айтишича, ўтган йили Татаристон ва Ўзбекистон ўртасидаги товар айирбошлаш ҳажми 50 млн доллардан ошган, лекин ушбу миқдорни кўплаб йўналишларда янада ошириш имконияти мавжуд.

"Бугунги ҳамкорлигимиз даражаси мавжуд имкониятларимизга мос эмас, айниқса, иқтисодиёт соҳасида", — деди у.

У Татаристоннинг Ўзбекистон билан маданият ва таълим борасидаги ҳамкорлиги ривожланаётганини таъкидлади.

"Татаристон олий таълим муассасаларида Ўзбекистондан 2 минг нафар талаба таҳсил олади ва биз уларнинг сони ошишидан хурсанд бўламиз", — деди Рустам Минниханов.

Татаристон раҳбарининг фикрича, спорт ва туризм соҳасида ҳамкорликни кенгайтириш учун яхши имкониятлар мавжуд.

Плодоовощная ярмарка в Ташкенте - Sputnik Ўзбекистон
Ўзбекистон ва Россия ҳудудлараро ҳамкорлик ўрнатади

Ўз навбатида Самарқанд вилояти ҳокими Ҳиммат Оқбўтаев татаристонлик мутахассисларни ва республика президентини Ўзбекистонга таклиф этди.

Татаристон Ўзбекистонга резина, ускуналар, пластмасса, транспорт воситалари, кимё ва фармацевтика маҳсулотлари, ёғоч, озиқ-овқат маҳсулотларини экспорт қилади.

Ўзбекистондан Татаристонга эса асосан кийим-кечак, текстиль ва қишлоқ хўжалик маҳсулотлари келтирилади.

Татаристон Ўзбекистонга "Камаз" заводи маҳсулотлари, компрессор ва музлатиш техникасини экспорт қилиш, машинасозлик, тиббиёт ва соғлиқни сақлаш соҳаларида ҳамкорликни ривожлантиришга қизиқмоқда.

Янгиликлар лентаси
0