Наримон Умаров - ўз фаолиятини муҳандисликдан бошлаган номзод

© Пресс-служба партии "Адолат""Адолат" партиясидан президентликка номзод Наримон Умаров
Адолат партиясидан президентликка номзод Наримон Умаров - Sputnik Ўзбекистон
Oбуна бўлиш
Наримон Умаров меҳнат фаолиятини 1974-йилда "Гидроингео" илмий текшириш институтида катта техник ходим лавозимидан бошлаган

ТОШКЕНТ, 12 ноя — Sputnik. Ўзбекистон ТИВ расмий порталида Ўзбекистон Президентлигига номзодларнинг таржимаи ҳоллари эълон қилинди.

Ўзбекистон "Адолат" Социал-демократик партияси томонидан Ўзбекистон Республикаси Президентлигига номзод Наримон Мажитович Умаров 1952-йилда Тошкент шаҳрида туғилган. Миллати – ўзбек. Маълумоти – олий. 1974-йилда Тошкент политехника институтини тамомлаган. Мутахассислиги – муҳандис-гидрогеолог. Геология-минералогия фанлари номзоди.

Матбуот - Sputnik Ўзбекистон
Наримон Умаров матбуотни янада эркинлаштириш тарафдори
Меҳнат фаолиятини 1974-йилда"Гидроингео" илмий текшириш институтида катта техник ходим лавозимидан бошлаб, илмий ишлар бўйича директор муовини лавозимигача бўлган йўлни босиб ўтди. У суғорилаётган эрларнинг мелиоратив ҳолатини яхшилаш, Орол денгизи қуриши билан боғлиқ гидрогеологик прогнозларни ишлаб чиқиш, эр ости сувларидан иқтисодиётда оқилона фойдаланиш йўналишларида тадқиқотлар олиб борди.

1997-2009-йилларда Табиатни муҳофаза қилиш Давлат қўмитаси ҳузуридаги Аналитик назоратга ихтисослашган давлат инспекцияси бошлиғи лавозимида ишлаб, атроф табиий муҳит ҳолатини мониторинг қилишда ягона давлат тизимини ишлаб чиқиш бўйича ишларни бошқарган.

2009-2013-йилларда Табиатни муҳофаза қилиш Давлат қўмитаси раиси лавозимида фаолият юритиб, атроф-муҳитни муҳофаза қилиш соҳасида давлат дастурини ишлаб чиқиш ва амалга оширишда бевосита иштирок этган.

Адолат ва қонун тимсоли - Sputnik Ўзбекистон
Умаров демократик давлат ва адолатли жамият қуриш тарафдори
2009-йилдан "Экосан" экология ва саломатлик Халқаро хайрия жамғармасининг бошқаруви раиси, 2013-йилдан Ўзбекистон "Адолат" СДП Сиёсий Кенгаши раиси этиб сайланган. Эгаллаб турган лавозимида давлат ҳокимияти вакиллик органларида "Адолат" СДП депутатлик гуруҳларининг фаолиятини янада мустаҳкамлашга қаратилган комплекс чора-тадбирларни ишлаб чиқиш ва амалга оширишда иштирок этиб келмоқда.

2014-йилда Олий Мажлис Қонунчилик палатаси депутати этиб сайланди, 2015-йилдан Олий Мажлис Қонунчилик палатаси Спикери ўринбосари, Ўзбекистон "Адолат" СДП фракцияси раҳбари сифатида фаолият кўрсатмоқда.

2012-йилда Наримон Умаров "Меҳнат шуҳрати" ордени билан тақдирланган.

Оилали. Уч нафар фарзанднинг отаси. Рафиқаси Х.Хўжаэва – пенсионер.

Янгиликлар лентаси
0