Туркиядаги ўзбек мигранти: бизда ҳаммаёқ тинч

© ADEM ALTAN / AFPТуркиядаги ҳолат
Туркиядаги ҳолат - Sputnik Ўзбекистон
Oбуна бўлиш
Туркиядаги ҳарбий исёндан кейин ўзбекистонликлар Туркиядаги яқинлари тақдири учун ҳавотир билдиришмоқда. Ўзбекистон Ташқи ишлар вазирлиги эса Туркиядаги ўзбеклар тақдири не кечаётгани борасида ҳеч қандай расмий баёнот берганича йўқ.

ТОШКЕНТ, 20 июл — Sputnik. Туркияда рўй берган ҳарбий исён — давлат тўнтаришини амалга оширишга бўлган уринишлар, ва бунинг оқибатида юзага келган тартибсизликлар туфайли ўз яқинларини Туркияга ишга кузатган ўзбекистонликлар юрагида ҳадик уйғонгани рост. Турли хил сабаб билан кимнингдир акаси, опаси, яна кимнингдир ота-онаси ҳозирда Туркияда.

Реджеп Тайип Эрдоган - Sputnik Ўзбекистон
Эрдўғон Туркия халқидан қўзғолонни бартараф қилишда ёрдам сўради
Ўзбекистонликлар қалбида эса бир савол: "Яқинимнинг тақдири не кечди экан?.."

Таҳририятимизга қўнғироқ қилган ўзбекистонлик аёлнинг сўзларига қараганда, у мана икки ҳафтадирки Туркияга ишлашга кетган опаси билан боғлана олмаяпти. Аёл на кетган манзилини айтган, на телефон рақамини қолдирган.

Спутник Ўзбекистон бу ҳолатга аниқлик киритиш учун Ўзбекистон ТИВ матбуот хизматига қўнғироқ қилди. Ташқи ишлар вазирлиги ходимининг сўзларига қараганда, "бедарак кетган шахснинг яқинлари ҳудудий ИИБга мурожаат этишлари лозим. Милиция бўлинмасида уларга бу ҳолат юзасидан зарур йўл-йўриқ тушунтирилади".

Туркиядаги ўзбекистонликлар тақдири ҳақидаги саволга эса муассасада "биз бу ҳолат юзасидан изоҳ бермаймиз", дея жавоб қайтаришди.

Шу боис, Туркиядаги ҳолатни билиш учун бу мамлакатда узоқ йиллардан бери яшаб келаётган Ўзбекистон фуқароси билан боғландик.

Унинг сўзларига қараганда, Туркияда айни вақтда ҳаммаёқ тинч, ўзбеклар тақдири учун ҳавотирланишга ўрин йўқ.

"Сизларга четдан худди Туркияда уруш бўлаётгандек туюлиши мумкин. Аслида эса бизда ҳаммаёқ тинч. Ҳавотир олманглар", — деди суҳбатдош.

"Тўғри, давлат тўнтаришини амалга оширишга ҳаракат қилишди, лекин бу амалга ошмади. Ҳукумат бир кунда исёнчиларнинг аксариятини ҳибсга олди", — қўшимча қилди у.

Туркия президенти Ражаб Тойиб Эрдўғон - Sputnik Ўзбекистон
Эрдўғон: агар 10 дақиқа кеч қолганимда, мени ўлдиришарди
"Туркиядаги ўзбек аёлларининг тўқсон фоизи уйларда ишлашади. Ҳеч ким кўчада юрмайди. Туркияда рўй бераётган ҳодисаларга эса биз мигрантларнинг ҳеч қандай алоқаси йўқ. Сўзларимга ишонинг, бизда ҳаммаёқ тинч. Ҳарбийлар исён кўтарган тунда ҳам кўчаларга туркларнинг ўзлари чиқди, ўзбек мигрантлари уйдан ташқарига қадам босгани йўқ. Мисол учун мен ҳам уйда эдим, кўчада нима бор ахир?", — дея таъкидлади суҳбатдош.

Эслатиб ўтамиз, 15 июлдан 16 июлга ўтар кечаси Туркияда бир гуруҳ ҳарбийлар ҳукуматни эгаллаб олишга ҳаракат қилган. Улар ҳарбий вертолёт ва танклар ёрдамида аэропорт, кўприк, ОАВ бинолари ва президент саройига ҳужумлар уюштирган. Туркия ТИВ маълумотига кўра, ҳарбий исён оқибатида 290 киши қурбон бўлган.

Янгиликлар лентаси
0