ТОШКЕНТ, 14 апр — Sputnik. Россия Мудофаа вазирлиги аҳоли пункти назоратга олинишига ёрдам берган разведка операцияси тафсилотларини очиқлади.
Вазирлик маълум қилишича, гвардия лейтенанти Дмитрий Бирюков бошчилигидаги разведка гуруҳи жанговар топшириқни бажариш чоғида Украина Қуролли кучларининг вақтинчалик жойлашиш пунктини аниқлаган.
Ушбу ҳудуд яқинида жангарилар ҳужжатлар солинган қутиларни енгил автомобилга ортиб кетаётган бўлган. Вазиятни баҳолагандан сўнг, разведка гуруҳи асирларни ҳужжатлари билан бирга қўлга олиб, уларнинг автомобилида ҳудудни тарк этишга қарор қилган.
Разведкачилар тутун шашкалари панасида турли йўналишлар бўйлаб ҳаракатланиб, ўқ узмасдан украин ҳарбийларини қўлга олган. Шундан кейин улар боғланиб, шу автомобилга ортилган ва гуруҳ душман ортидан чиқиб кетган.
Қўлга киритилган муҳим ҳужжатлар ва уч нафар асир қўшинлар ихтиёрига топширилган. Кейинчалик ушбу ҳужжатлар ҳамда асирларнинг кўрсатмалари ўрганилгандан сўнг, Украина Қуролли кучлари тузилмаларининг жойлашуви аниқланган.
Вазирлик таъкидлашича, олинган маълумотлар асосида душман позицияларига ракета зарбалари берилиб, харбий техника ва шахсий таркиб йўқ қилинган. Бу эса аҳоли пунктларидан бирини назоратга олишга хизмат қилган.