ТОШКЕНТ, 23 мар – Sputnik. Россия армияси Чернигов вилоятидаги Репки қишлоғи яқинидаги НАТО ўқув полигонига зарба берди. Бу ҳақда Украинадаги яширин кўнгиллилар ҳаракати координатори Сергей Лебедев РИА Новостига маълум қилди.
Таъкидланишича, Репки қишлоғи яқинидаги А-0254 сонли собиқ ҳарбий қисмга берилган зарба натижасида тахминан 30 нафар аскар яралаган ва туман касалхонасига олиб кетилган. Энг оғир жароҳатланганлар эса 6 та ҳарбий тез ёрдам машинасида Черниговга олиб кетилган.
Лебедевнинг сўзларига кўра, собиқ ҳарбий қисм полигони Украина аскарларини НАТО қуролларидан фойдаланишга ўргатиш учун фойдаланилган.