ТОШКЕНТ, 3 мар — Sputnik. Россия қўшинлари Суми вилоятининг Бобилевка ҳамда Запорожье вилоятининг Веселянка аҳоли пунктлари устидан назорат ўрнатди. Бу ҳақда Россия Мудофаа вазирлиги маълум қилди.
Бобилевка аҳоли пунктини "Шимол" қўшинлари гуруҳи бўлинмалари, Веселянкани эса "Днепр" қўшинлари гуруҳи бўлинмалари назоратга олган.
Шунингдек, оператив-тактик авиация, зарба берувчи учувчисиз учиш аппаратлари, ракета қўшинлари ва артиллерия бўлинмалари томонидан Украина Қуролли кучларининг бир қатор объектларига зарба берилган.
Вазирлик маълумотига кўра, узоқ масофали зарба берувчи дронлар учирилган аэродромлар, ҳарбий-саноат комплекси учун фойдаланилаётган энергетика ва порт инфратузилмаси объектлари, шунингдек, 142 та туманда Украина қуролли тузилмалари ва хорижий ёлланма аскарлар вақтинча жойлашган нуқталар яксон қилинган.