ТОШКЕНТ, 26 фев — Sputnik. Санкт-Петербургда ўтиб кетаётган фуқаролар курткасини чўзиб, ўнинчи қават деразасидан тушиб кетган бир ярим ёшли болани ушлаб қолишди. Бу ҳақда РИА Новости фавқулодда хизматларга таяниб хабар берди.
Маълум қилинишича, воқеа чоршанба куни Богатирский хиёбонида жойлашган квартирада содир бўлган. Ҳодиса пайтида хонадонда боланинг онаси ва акаси бўлган. Онаси ҳожатхонага кирган, акаси эса компьютер ўйнаётган бўлган.
Фавқулодда хизматлар маълумотига кўра, аёл болани квартира ичида қидириб, хонадаги дераза очиқ эканини кўрган. Ташқарига қараганда, дераза остида одамлар тўпланганини пайқаб, дарҳол кўчага тушган. Болани пастда турган ўтиб кетаётган шахслар курткани чўзиб ушлаб қолган, у куртка устига тушган.
Санкт-Петербург прокуратураси ҳодисанинг барча тафсилотлари ўрганилаётганини маълум қилди.
Бу шаҳарда бир ҳафта ичида қайд этилган иккинчи шундай ҳолатдир. 22 февраль куни ўзбекистонлик Хайрулло Ибадуллаев еттинчи қават деразасидан тушиб кетган болани ушлаб қолиб, унинг ҳаётини сақлаб қолган.