ТОШКЕНТ, 19 фев — Sputnik. Афғонистонда Эзгуликка ундаш, иллатларнинг олдини олиш ва шикоятларни кўриб чиқиш вазирлиги (Аҳлоқ ва эзгулик вазирлиги) ходимлари 500 та мусиқа асбобини ёқиб юборди.
"Pajhwok" нашрининг хабар беришича, бу буюмлар Парвон вилояти аҳолисидан йиғиб олинган бўлиб, расмийлар томонидан шариатга зид деб топилган.
"Марказий Парвон вилоятида Эзгуликка ундаш, иллатларнинг олдини олиш ва шикоятларни кўриб чиқиш вазирлиги ( департаменти 500 тадан ортиқ мусиқа асбоблари ва уларга тегишли буюмлар ёқиб юборилгани ҳақида хабар берди," — дейилади хабарда.
Департамент бошлиғи Макбул Аҳмад Вакаснинг агентликка маълум қилишича, "турли маросимларда рақс ва байрамларда фойдаланиладиган" бу буюмлар сўнгги бир йил ичида вилоятнинг маъмурий маркази — Чорикор шаҳрида ҳам, туманда ҳам йиғилган.
"Мусиқа асбоблари Гулханди туманида ҳокимият вакиллари, бош разведка бошқармаси ва бошқа ваколатли органлар иштирокида ёқиб юборилди", — дея амалдорнинг сўзларини келтиради агентлик.
Вакас "ушбу акция иллатга қарши узлуксиз курашнинг бир қисми" эканини таъкидлаб, аҳолини шариатга зид деб ҳисобланган буюмлардан фойдаланмасликка чақирди.