ТОШКЕНТ, 16 фев — Sputnik. А380 "Ғузор — Бухоро — Нукус — Бейнеу" трассасининг 673–678 км участкасида транспорт ҳаракати вақтинча йўлнинг ўнг томони бўйлаб ташкил этилди. Мазкур ҳудудда реконструкция ишлари давом этмоқда. Бу ҳақда ИИВ Йўл ҳаракати хавфсизлиги бош бошқармаси матбуот хизмати хабар берди.
Маълум қилинишича, реконструкция ишлари йўлнинг 673–698 км қисмида амалга оширилмоқда.
Шу муносабат билан:
бу участкада ҳаракат вақтинча йўлнинг ўнг томони орқали амалга оширилади;
ҳайдовчилар белгиланган тезлик чекловларига қатъий риоя этишлари шарт;
йўл белгилари ва вақтинчалик кўрсаткичлар талабларига амал қилиш лозим;
қурилиш ҳудудидан ўтишда юқори даражада эҳтиёткорлик талаб этилади.
Йўл ҳаракати хавфсизлигини таъминлаш мақсадида ҳудудга барча зарур йўл белгилари ва огоҳлантирувчи воситалар ўрнатилган.
Ҳайдовчилардан сафар йўналишини режалаштиришда мазкур маълумотларни инобатга олиш ва эҳтиёт чораларини кўриш сўралмоқда.