ТОШКЕНТ, 15 фев — Sputnik. Евроосиё иқтисодий комиссиясида (ЕИК) интеграция ва макроиқтисодиёт вазири Данияр Иманалиевнинг матбуот анжумани бўлиб ўтди. Бу ҳақда ЕИК матбуот хизмати хабар берди.
Вазир 2025 йил якунлари бўйича Евроосиё иқтисодий иттифоқи (ЕОИИ)га аъзо давлатларнинг макроиқтисодий ривожланиш натижаларини эълон қилди.
Нутқнинг асосий тезислари:
▪️ Дастлабки маълумотларга кўра, ЕОИИ бўйича ялпи ички маҳсулот ўсиши 1,7 фоизни ташкил этиши кутилмоқда.
▪️ 2025 йилда иқтисодий ўсиш асосан хизмат кўрсатиш соҳаси, чакана савдо, қурилиш, фойдали қазилмаларни қазиб олиш ва қайта ишлаш саноати ҳисобига таъминланди. Қишлоқ хўжалигида ҳам ижобий динамика кузатилди.
▪️ Комиссия ҳисоб-китобларига кўра, 2025 йил якунлари бўйича ЕОИИ давлатлари ўртасидаги ўзаро товар айирбошлаш ҳажми 95 миллиард долларни ташкил этади.
▪️ 2025 йил январь–ноябрь ойларида Иттифоқнинг умумий бозорига озиқ-овқат маҳсулотлари, тўқимачилик маҳсулотлари ва пойабзал етказиб бериш 20 фоизга, ёғоч ва целлюлоза-қоғоз маҳсулотлари 14 фоизга, кимё саноати маҳсулотлари 2,3 фоизга ошди.
▪️ 2025 йил январь–ноябрь ойларида ЕОИИ ташқи савдо айланмасида ўзаро савдонинг улуши 20,0 фоизни ташкил этди.
▪️ Дастлабки маълумотларга кўра, 2025 йил якунлари бўйича ЕОИИ мамлакатларида инфляция 6,5 фоизгача секинлашди.