ТОШКЕНТ, 11 фев — Sputnik. Рақобат қўмитасига 2025 йилда электрон тижорат соҳаси бўйича қарийб 3 100 та мурожаат келиб тушди. Бу ҳақда қўмита матбуот хизмати хабар берди.
Қайд этилишича, қўриб чиқишлар натижасида 7,3 миллиард сўм фуқаролар фойдасига қайта ҳисоб-китоб қилиниши таъминланди.
Таҳлилларга кўра, мурожаатларнинг асосий қисми қуйидаги платформалар ҳиссасига тўғри келган:
Ташкилот номи | Мурожаат- лар сони | Улуши | Ижобий ҳал этилган |
Uzum Market | 851 | 27,8% | 72,7% |
Uzum Nasiya | 842 | 27,6% | 71,9% |
Yandeks | 329 | 10,8% | 63,5% |
Texnomart | 168 | 5,5% | 79,2% |
Ishonch | 166 | 5,4% | 81,3% |
Alif shop (alif moliya, alif nasiya) | 150 | 4,9% | 75,3% |
Uzum Tezkor | 115 | 3,8% | 82,6% |
Openshop.uz | 56 | 1,8% | 76,8% |
ZoodMall | 54 | 1,8% | 79,6% |
IDEA | 46 | 1,5% | 84,8% |
Айрим мурожаатлар соҳада тизимли камчиликлар мавжудлигини кўрсатди. Уларни таҳлил қилиш орқали қонунчиликни такомиллаштиришга оид таклифлар тайёрланди.
Ўрганишларда шартнома шартлари, кафолатли сервис, нуқсонли товарни алмаштириш, рекламада нотўғри маълумот, тўлов ва етказиб беришдаги камчиликлар, шунингдек, кредитга олинган нуқсонли товарларни алмаштириш билан боғлиқ қонунбузилиш ҳолатлари аниқланди.