ТОШКЕНТ, 10 фев — Sputnik. Самарқандда дастлабки 30 қаватли уйлар қурилишида қоидабузарликлар аниқланди. Бу ҳақда Қурилиш ва уй-жой коммунал хўжалиги соҳасидаги ҳудудий назорат инспекцияси маълумотларига таяниб, Sputnik Ўзбекистон мухбири хабар берди.
Хабарда айтилишича, Қурилиш ва уй-жой коммунал хўжалиги соҳасидаги ҳудудий назорат инспекцияси томонидан вилоятда илк бор қурилаётган 30 қаватли уйлар текширувдан ўтказилди.
В Самарканде при строительстве первых 30-этажек выявлены нарушения
© Sputnik
Текширув натижасида бир қатор қурилиш меъёрлари ва хавфсизлик талаблари бузилганлиги аниқланди. Хусусан, 22–23 қаватга қуйилган бетоннинг мустаҳкамлиги бўйича лаборатория хулосалари тақдим этилмаган.
В Самарканде при строительстве первых 30-этажек выявлены нарушения
© Sputnik
Шунингдек, техник назоратни ташкил этиш ва хавфсизлик чораларига риоя қилишдаги камчиликлар кўрсатиб ўтилди: объектнинг ҳамма жойида ҳам ҳимоя тўсиқлари ўрнатилмаган.
Бундан ташқари, бинолар конструкцияларидаги металл элементларга коррозияга қарши воситалар билан ишлов берилмаган, арматуранинг маҳкамлаш элементлари орасидаги масофалар тасдиқланган лойиҳа ҳужжатларига мувофиқ эмас.
В Самарканде при строительстве первых 30-этажек выявлены нарушения
© Sputnik
Қурувчига аниқланган қоидабузарликларни қисқа муддатларда бартараф этиш мажбурияти юклатилди.