ТОШКЕНТ, 2 фев — Sputnik. Тошкент шаҳри аҳолиси энди уйи яқинидаги пулли тўхташ жойларидан фойдаланиш учун резидентлик рухсатномасини онлайн ва мутлақо бепул расмийлаштириши мумкин.
Хизмат my.gov.uz портали орқали кўрсатилади ва ҳеч қандай тўлов ундирилмайди.
Рухсатномани олиш учун my.gov.uz сайтига кириб, "Пойтахт паркинг резидентлик рухсатномаларини олиш" хизматини танлаш, сўралган маълумотларни киритиш ва ариза юбориш кифоя. Ариза кўриб чиқилиб, тасдиқлангандан сўнг рухсатномадан фойдаланиш мумкин.
Рухсатнома 1 йил амал қилади. Битта хонадон манзили учун 2 тагача рухсатнома берилади.