ТОШКЕНТ, 31 янв — Sputnik. Ўтган 2025 йил давомида Ўзбекистон жиноят ишлари бўйича судлари томонидан 63 177 та жиноят иши кўриб чиқилди.
Кўрилган жиноят ишларнинг аксариятини фирибгарлик, транспорт хавфсизлиги қоидаларини бузиш, ўғрилик, гиёҳвандлик воситалари тайёрлаш, сақлаш ва бошқа ҳаракатлар.
Шунингдек ўзлаштириш ва талон-торож қилиш, сохта ҳужжат тайёрлаш, қўшмачилик қилиш ёки фоҳишахона сақлаш, қасддан ўртача оғир шикаст етказишкаби жиноятлар ташкил этади.
Жиноят ишларининг салмоқли қисми Тошкент шаҳри, Фарғона, Тошкент, Самарқанд ва Наманган вилоятларида кўрилди.
Судланган шахслар сони 63 340 нафарни ташкил этиб, шундан 18 816 нафар шахсга озодликдан маҳрум қилиш ва 43 531 нафарига бошқа турдаги жазолар тайинланди, 993 нафар шахс шартли ҳукм қилинди.
Шунингдек, 15 992 нафар шахсга нисбатан дастлабки тергов органлари томонидан асоссиз равишда қўйилган моддалар айбловдан чиқариб ташланди ёки қайта малакаланди.
8085 шахс озодликдан маҳрум этиш билан боғлиқ бўлмаган жазолар тайинланиб суд залида озод қилинди.
8085 шахс озодликдан маҳрум этиш билан боғлиқ бўлмаган жазолар тайинланиб суд залида озод қилинди.
Жиноятлар сабабларини ва уларнинг содир этилишига имкон берган шарт-шароитларни бартараф қилиш тўғрисида 45 323 та хусусий ажрим чиқарилиб, тегишлилиги бўйича юборилган.
Ярашув институтининг самарали қўлланилиши натижасида 13 224 нафар шахс жиноий жавобгарликдан озод этилди.