Трамп куч орқали иш кўради, эгилганлар яна эгилаверади — Кремль матбуот котиби интервьюси

Бу ўзгаришларнинг барчаси (АҚШ ва Европа муносабатларида) эҳтимол, Европада ўнлаб йиллар давомида ҳукмронлик қилган ўша икки томонлама стандартлар ва иккиюзламачиликнинг натижасидир;

Трамп барча масалаларни куч орқали ҳал қилиш тарафдори. Ва ким эгилса, у яна эгилишда давом этаверади. Энг муҳими — Россия билан бундай қилмаслик;

Трамп — тажрибали сиёсатчи, у ўз ёндашувларини шафқатсиз, бешафқат бизнес тамойилларига асослайди;

Трамп Макрон билан ёзишмаларни (матнини -таҳр.) эълон қилгани фонида барча европаликлар том маънода оёққа турди. Аммо Макрон Путин билан суҳбатни эълон қилганида ҳеч ким оёққа турмади;

Трамп қўллайдиган усуллар бизнинг кўп қутбли дунё ҳақидаги ёндашувларимизга тўлиқ мос келмайди;

Трамп ўз манфаатларини, ва албатта, биринчи навбатда, ўз мамлакати манфаатларини ҳимоя қилади;

АҚШ Украина масаласида шошилмоқда, уларни тушуниш мумкин;

Путин жиддий музокаралар бўлаётган вақтга эътибор бермайди" (Кремлда Уиткофф билан кечги музокаралар ҳақида);

Украинанинг ҳудудий масаласи бўйича “Анкориж формуласи”ни амалга ошириш музокаралар жараёнини тез суръатларда илгари суриш имконини беради;

Канада бош вазири АҚШ ҳақидаги баёнотларидан сўнг дарҳол “Тинчлик кенгаши”га аъзо бўлиш таклифидан маҳрум этилди;

Канадани мамлакат бош вазирининг АҚШ ҳақидаги баёнотидан сўнг катта бош оғриғи кутиши мумкин;

Биз бошиданоқ олдинда жуда қийин ва узоқ йўл борлигини айтганмиз. Бу тез йўл эмас (Украина можароси ечими ҳақида);

Россия ҳарбийлари Гренландияда “олтин гумбаз” ракетага қарши мудофаа тизими пайдо бўлиши мумкинлиги ҳақидаги режаларни диққат билан таҳлил қилади;

Киев режими берувчининг қўлини тишлашга тайёр" (Зеленскийнинг Европани танқид қилгани ҳақида);

Афсуски, Европа ҳокимият тепасида турган сиёсатчиларнинг айнимоқда. Бундан бутун халқаро муносабатлар тизими азият чекмоқда. Улар билимсиз;

На Россия, на АҚШ Каллас (ЕИ ташқи ишлар ва хавфсизлик сиёсати бўйича олий вакили) билан ҳеч қачон ҳеч нарсани муҳокама қилмайди, унинг кетишини кутиш керак;

Европа ўз қўли билан Россия билан энергетика соҳасида ҳамкорликдан воз кечиб, ўзига тузоқ қўйди;

Биз кескин жаҳон рақобати шароитида ишладик. Ҳозир эса улар (европаликлар) онгли равишда дунёдаги асосий сотувчилардан биридан воз кечганларидан сўнг шартларни белгилайдиган бошқа асосий сотувчига қарам бўлиб қолишди;

Россияга қарамлик аслида шартли эди, бу ўзаро боғлиқлик эди. Биз сотувчи сифатида уларга боғлиқ эдик, улар харидор сифатида бизга боғлиқ эди.