ТОШКЕНТ, 22 янв — Sputnik. Самарқанд шаҳрида "National AI Hackathon" миллий хакатонининг минтақавий босқичи бўлиб ўтмоқда. Бу ҳақда Sputnik Ўзбекистон мухбири хабар берди.
Сунъий интеллект бўйича миллий хакатоннинг гранд финалига чиқиш учун 48 та жамоага бирлашган 400 нафар иштирокчи беллашмоқда.
Уч кун давомида 16 ёш ва ундан катта бўлган АТ-мутахассислар бешта йўналиш бўйича ишлайдиган прототипларни ишлаб чиқади. Жараёнда иштирокчиларга етакчи АТ-компаниялар мутахассислари устозлик қилади.
Декабрь ойида Тошкент шаҳрида бўлиб ўтадиган финалга бор-йўғи бешта жамоа йўл олади. Улар ўз лойиҳаларини қўшимча қўллаб-қувватлаш ва янада ривожлантириш имкониятига эга бўлади.