ТОШКEНТ, 15 янв — Sputnik. Евроосиё иқтисодий иттифоқи (ЕОИИ) ҳудудидан ташқарига қўрғошин ва қўрғошин чиқиндиларини рухсатнома (лицензия) тартибида экспорт қилишни яна 6 ойга узайтирилди. Россия ҳукуматининг тегишли қарори эълон қилинди.
Қарорга кўра, Россиядан ЕОИИ божхона ҳудудидан ташқарига:
қўрғошин чиқиндилари ва ломлари,
қайта ишланмаган қўрғошин ҳамда уни ўз ичига олган қотишмалар
экспорти рухсатнома (лицензия) асосида амалга оширилади.
экспорти рухсатнома (лицензия) асосида амалга оширилади.
Лицензиялаш тартиби қарор кучга кирган кундан бошлаб 6 ой давомида амал қилади. Экспорт учун якка тартибдаги лицензия Россия Саноат ва савдо вазирлиги томонидан берилади.
Бунда қўрғошин экспортини амалга оширувчи компаниялар:
хавфли чиқиндилар билан ишлаш лицензиясига;
хавфли ишлаб чиқариш объектларини эксплуатация қилиш рухсатномасига;
санитария ҳимоя ҳудуди бўйича тегишли ҳужжатларга эга бўлиши шарт.
Шу билан бирга, қарор халқаро транзит юк ташувларига тааллуқли эмас — яъни Россия ҳудуди орқали транзит ўтаётган қўрғошин юклари лицензия талабларидан озод этилган.