ТОШКЕНТ, 11 янв — Sputnik. АҚШ президенти Доналд Трамп Венесуэлада Мадуро ва унинг рафиқасини ўғирлаб кетиш операциясидан сўнг Кубани ҳамкорлик қилишга чақирди.
"Мен уларни жуда кеч бўлмасдан олдин келишувга эришишга чақираман!" деб ёзди у якшанба куни Truth Social ижтимоий медиа платформасида.
Трампнинг сўзларига кўра, Куба йиллар давомида Венесуэладан катта миқдорда нефть ва пул олган. Энди бундай бўлмайди.
Олдинроқ, АҚШ президенти ижтимоий тармоқда Давлат котиби Марко Рубиони Куба президенти этиб тайинлашни "ажойиб ғоя" деб атаган эди.
Кубанинг жавоби
АҚШ президентининг ушбу баёнотига Куба Ташқи ишлар вазирлиги қуйидагича жавоб берди.
"Куба, Қўшма Штатлардан фарқли ўлароқ, ёлланмалик билан шуғулланмайди, шантаж қилмайди ёки бошқа мамлакатлар ишларига ҳарбий аралашув қилмайди.
Гавана ёқилғини хоҳлаган давлатдан сотиб олиши мумкин, қонун ва адолат биз тарафда. Бироқ, Вашингтоннинг хатти-ҳаракатлари нафақат Ғарбий ярим шарнинг, балки бутун дунёнинг тинчлиги ва хавфсизлигига таҳдид солмоқда", - дейилади жавобда.