ТОШКЕНТ, 31 дек — Sputnik. Москва Марказий Осиё мамлакатларининг экстремизм ва терроризмга қарши курашда Россиянинг қатъий йўналишини қўллаб-қувватлашга тайёрлигини олқишлайди. Бу ҳақда Россия ташқи ишлар вазири ўринбосари Михаил Галузин РИА Новостига берган интервьюсида маълум қилди.
“Россия Федерацияси ҳудуди бўлиб турган чет элликларнинг, жумладан, мигрантларнинг радикал гуруҳларга жалб қилинишининг олдини олиш масаласи тегишли идоралар даражасида мунтазам равишда кўтарилади”, - деди Галузин.
Таъкидланишича, Марказий Осиё мамлакатларининг дипломатик ваколатхоналари Россия Ташқи ишлар вазирлигининг минтақавий ваколатхоналари, ахлоқ тузатиш муассасалари, ички ишлар органлари ҳамда ўқув муассасалари билан яқин алоқада ишлайди. Бундан ташқари, Марказий Осиё мамлакатлари Россияда яшовчи ватандошлар ўртасида тегишли ишларни олиб бормоқда.
“Биз Марказий Осиё давлатларининг экстремизм ва терроризмга қарши курашиш бўйича биз билан ягона қатъий йўналишда ишлашга, биз ташкил этаётган акцияларда иштирок этишга, ушбу соҳада халқаро ҳамкорликни мустаҳкамлаш тарафдори бўлишга, халқаро майдончаларда ҳамжиҳатликда овоз беришга тайёрлигини олқишлаймиз”, - деди Россия ташқи ишлар вазири ўринбосари.