ТОШКЕНТ, 19 дек – Sputnik. Тошкент - Қозон - Тошкент темир йўл йўналиши бўйича қатновлар қайта очилмоқда. Бу ҳақда Ўзбекистон Транспорт вазирлиги матбуот хизмати хабар берди.
Маълум қилинишича, 21 декабрь куни Тошкент-Марказий вокзалидан 315/316-сонли Тошкент - Қозон - Тошкент йўналиши бўйича йўловчи поезди йўлга чиқади.
Қатновлар ҳафтасига бир марта қуйидаги жадвал бўйича амалга оширилади:
315-сонли Тошкент - Қозон йўналишидаги йўловчи поезд
Тошкент-Марказий вокзалидан жўнаш - якшанба, 23:55 да
Қозон вокзалига етиб келиш - чоршанба, 13:47 да
316-сонли Қозон - Тошкент йўналишидаги йўловчи поезд
Қозон вокзалидан жўнаш - пайшанба, 10:33 да
Тошкент-Марказий вокзалига етиб келиш - якшанба, 04:32 да
Поезд таркиби 7 та вагондан иборат бўлиб, 342 нафар йўловчига мўлжалланган. Чипталар аллақачон сотувда экани таъкидланмоқда.
Эслатамиз, бу йўналишдаги поезд қатновлари коронавирус пандемияси сабаб 2020 йилда вақтинча тўхтатиб қўйилган эди.