ТОШКЕНТ, 19 дек – Sputnik. Москвада “Владимир Путин билан йил якунлари” жонли эфири давом этмоқда.
Россия президенти Украина можароси бўйича қатор баёнотлар берди:
- "РФ қуролли кучлари душманни Курск еридан қувиб чиқарганидан сўнг ташаббус тўлиқ бизга ўтди. Қўшинларимиз мутлақо барча йўналишларда ҳужум қилмоқда, душман эса чекинмоқда. Қаердадир тезроқ, қаердадир секинроқ, лекин ҳамма жойда.
- Россия ҳарбийлари Қизил Лиманнинг қарийб ярмини озод қилди ва тез орада уни тўлиқ қўлга киритади;
- Бизнинг гуруҳ Запорожье вилояти бўйлаб жуда тез ҳаракатланмоқда ва бирин-кетин битта пунктни бўшатмоқда. Ҳозир Гуляйпольнинг ярми қўл остимизда.
- Остонада туришнинг нима кераги бор? Уйга кир. Тўғрими? Агар Купянск уларнинг қўл остида бўлса (Путин Зеленскийга шаҳардан бир неча километр узоқликдаги стелла ёнида суратга тушишни эмас, Купянскка киришни таклиф қилди).
- Нима ҳам дердим, артист! - (Владимир Путин Владимир Зеленский ҳақида).
- Жорий йил охиригача биз Россия Федерацияси Қуролли Кучларининг жанговар туташув чизиғи бўйлаб янги ютуқларига гувоҳ бўламиз.
- Стратегик ташаббус тўлиқ Россия Қуролли Кучлари қўлига ўтди, қўшинлар барча йўналишларда ҳужум қилмоқда, душман чекинмоқда