ТОШКЕНТ, 30 ноя — Sputnik. Global Banking & Markets” халқаро ташкилоти ўтказган йиллик конференцияда “Ўзбекнефтгаз” АЖнинг Лондон фонд биржасида 850 миллион долларлик облигациялари жойлаштирилиши “Йил битими” махсус мукофоти билан тақдирланди.
Компания мазкур эътирофга “GBM Awards: Central & Eastern Europe” ҳамда “Central Asia & Türkiye 2025” мукофотлари топшириш маросимида сазовор бўлди.
Тадбир чоғида “Standard Chartered”, “J.P. Morgan”, “Citibank” ва “Deutsche Bank AG” каби йирик банк ва молия институциялари “Ўзбекнефтгаз” АЖ фаолияти, унинг ривожланиш истиқболлари, давлат томонидан кўрсатилаётган қўллаб-қувватлаш ҳамда трансформация жараёнларига юқори қизиқиш билдирдилар. Улар ўзаро манфаатли ҳамкорликни янада кенгайтириш истаги борлигини ҳам қайд этди.