ТОШКЕНТ, 28 ноя – Sputnik. Агар томонлар бунга келишиб олса, Россия президенти Владимир Путин америкалик ҳамкасби Дональд Трамп билан айнан Будапештда учрашишдан мамнун бўлган бўлишини мумкинлигини маълум қилди. Бу ҳақда Россия раҳбари Москвада Венгрия бош вазири Виктор Орбан билан учрашувда маълум қилди.
“Агар музокараларимиз чоғида иш Будапешт майдонидан фойдаланишгача етиб борса, мен ҳам бундан жудма мамнун бўламан ва бунга кўмаклашишга тайёрлигингиз учун миннатдорлик билдирмоқчиман”, - деди Путин.
Россия раҳбарининг сўзларига кўра, Будапештда Россия-Америка саммитини ўтказишни Трамп таклиф қилган.
“У дарҳол деди: Венгрия билан бизнинг муносабатларимиз яхши, Виктор билан сенинг муносабатларинг яхши, менинг ҳам, кел, бу вариантни таклиф қиламан”. Албатта, биз бажонидил рози бўламиз”, - деди Путин
Ўз навбатида, Орбан Венгрия Украина можарони ҳал қилишни муҳокама қилиш учун майдон тақдим этишга тайёрлигини билдирди.
Венгрия бош вазири Украина бўйича яқинда эълон қилинган ташаббуслар тинчликка олиб келишига умид билдирди.
16 октябрь куни Трамп Путин билан телефон мулоқотидан кейин улар тез орада Венгрия пойтахтида учрашишга келишиб олишганини маълум қилди. Кейинчалик саммит қолдирилди, чунки томонлар Украина можаросини ҳал этиш бўйича аҳамиятли натижага эришиш учун ўз позицияларини келиша олишмади. Москва ва Вашингтон мос шарт-шароитлар яратилган пайтда учрашув бўлиб ўтишини маълум қилди.