ТОШКЕНТ, 28 ноя – Sputnik.Ўзбекистон Стратегик ривожланиш ва ислоҳотлар агентлиги ва Россия Стратегик ташаббуслар агентлиги ўртасида 2026 йилга мўлжалланган амалий чора-тадбирлар режаси имзоланди.
Ҳужжатни Москвада агентликлар раҳбарлари Баҳодир Раҳматов ва Светлана Чупшева имзолашди. Таъкидланишича, режа ўзаро манфаатли алоқаларни давом эттириш ва кенгайтиришни назарда тутади.
Жумладан, режа 7 та муҳим йўналишни қамраб олган:
тадбиркорликни ривожлантириш ва маҳаллий брендларни қўллаб-қувватлаш, “Бизникиларни бил” танловининг иккинчи босқичини ўтказиш;
кичик ва ўрта шаҳарларни ривожлантириш;
шаҳарлар бошқарувини рақамлаштириш;
технологик ҳамкорлик бўйича қўшма моделни шакллантириш;
экологик фаровонлик ва иқлим барқарорлигини таъминлаш;
дарахтзор ва кўкаламзорлар тизимини барпо этиш;
бизнеснинг ижтимоий капитали стандартини ишлаб чиқиш.
Қайд этитишича, мазкур лойиҳа ва дастурлар самарали тажрибаларни татбиқ этиб, иқтисодиёт тармоқларини ривожлантириш, атроф-муҳит ва ижтимоий соҳаларни яхшилашга хизмат қилади.