ТОШКЕНТ, 27 ноя – Sputnik. Президент Шавкат Мирзиёев Россиянинг Ўзбекистондаги янги элчиси Алексей Ерховдан ишонч ёрлиқларини қабул қилди. Бу ҳақда президент матбуот хизмати хабар берди.
Шунингдек, давлат раҳбари Грециядан Параскеви Цевелеки, Индонезиядан Сити Руҳайни Жухаятин, Латвиядан Гиртс Яунземс, Франциядан Валид Фук, Япониядан Кэндзи Хирата ва Тожикистондан Насредин Исматуллонинг ишонч ёрлиқларини ҳам қабул қилди.
Посол РФ в Узбекистане Алексей Ерхов вручил верительные грамоты президенту Шавкату Мирзиёеву
© Пресс-служба президента Узбекистана
Маросим якунида Мирзиёев элчиларга фаолиятларида муваффақият тилаб, мамлакатлар ўртасидаги ҳамкорликни мустаҳкамлашда мавжуд имкониятлардан самарали фойдаланишга чақирди. Хорижий дипломатлар эса самимий қабул ва яратилган шароитлар учун миннатдорлик билдириб, Ўзбекистон билан кўп қиррали ҳамкорликни фаол ривожлантиришга тайёрликларини таъкидладилар.