ТОШКЕНТ, 22 ноя — Sputnik. Украинага ҳарбий ёрдамни кўпайтириш ва Россияга қарши санкцияларни кучайтириш Киевга можарода ғалаба қозонишга ёрдам бериши ҳақидаги тасаввурлар хомхаёлдир. Бу ҳақда АҚШ вице-президенти Жей Ди Вэнс маълум қилди.
“Агар биз кўпроқ пуд берсак, кўпроқ қурол-яроғ берсак ёки кўпроқ санкциялар киритсак, ғалаба қўлда бўлади деган хомхаёл бор. Хомхаёллар оламида яшаётган муваффақиятсизликка учраган дипломатлар ёки сиёсатчилар тинчликка эриша олмайди. Буни реал дунёда яшаётган ақлли инсонлар бажариши мумкин”, - дея ёзди у X ижтимоий тармоғида Украина бўйича Американинг янги тинчлик режасини назарда тутиб.
Вэнснинг сўзларига кўра, Оқ уй маъмурияти устида ишлаётган бу тинчлик режасининг ҳар қандай танқиди уни нотўғри тушуниш ёки жойлардаги муҳим воқеликни бузиб кўрсатиш билан боғлиқ.
АҚШ вице-президенти можарони тартибга солишга оид ҳар қандай таклифлар “Россия учун ҳам, Украина учун ҳам мақбул бўлиши керак”.