ТОШКЕНТ, 16 ноя – Sputnik. Марказий Осиё давлатлари раҳбарларининг еттинчи Маслаҳат учрашуви якунлари бўйича президентлар томонидан Қўшма баёнот ҳамда бир қатор муҳим ҳужжатлар қабул қилинди. Бу ҳақда Ўзбекистон президенти матбуот хизмати хабар берди.
Жумладан, қуйидаги ҳужжатлар тасдиқланди:
Қирғизистоннинг 2027–2028 йилларда БМТ Хавфсизлик Кенгашининг муваққат аъзолигига номзоди юзасидан БМТга аъзо давлатларга мурожаат;
Озарбайжоннинг Марказий Осиё давлатлари раҳбарларининг Маслаҳат учрашувида тўла ҳуқуқли аъзо сифатида иштирок этиши тўғрисидаги қарор;
Марказий Осиёда минтақавий хавфсизлик ва барқарорлик концепцияси;
Марказий Осиё хавфсизлигига хатарлар каталоги ва уларнинг олдини олиш бўйича 2026–2028 йилларга мўлжалланган чора-тадбирлар режаси.