ТОШКЕНТ, 15 ноя — Sputnik. Россия, Қозоғистон ва Ўзбекистон қўшма газ лойиҳаси муваффақиятли амалга оширилмоқда ва газ транзитини ҳажмини кенгайтириш режалаштирилган, деди Қасим-Жомарт Токаев Тошкентда матбуот анжуманида.
"Россия-Қозоғистон-Ўзбекистон газ лойиҳаси муваффақиятли натижаларни кўрсатмоқда. Биргаликдаги саъй-ҳаракатлар орқали биз газ транзити ҳажмини ошириш ниятидамиз. Бундан ташқари, нефть ва ядро саноатида ҳамкорликни кенгайтириш учун яхши истиқболлар мавжуд", - деди Қозоғистон президенти.
Маълумот учун, 2023 йил июнь ойида Ўзбекистон "Газпром" билан газ сотиб олиш шартномасини имзолади, етказиб бериш ўша йилнинг октябрь ойида бошланди. 2025 йилнинг 16 октябрь куни Россия ҳукумати "Газпром" Ўзбекистонга йилига 7,7 миллиард куб метр табиий газ етказиб бериш бўйича шартномасини амалга оширишда давом этаётганини эълон қилди.
Тоқаевнинг 11-12 ноябрь кунлари Россияга бўлиб ўтган давлат ташрифи давомида ҳам Қозоғистон шимолига газ етказиб бериш ҳамда Қозоғистон ҳудуди орқали газ ишончли транзитини таъминлаш ўта муҳим аҳамиятга эга экани қайд этилган эди.