ТОШКЕНТ, 11 ноя — Sputnik. Тожикистон Саноат ва янги технологиялар вазирлиги ҳамда Евроосиё тараққиёт банкининг (ЕОТБ) Рақамли ташаббуслар жамғармаси ўртасида ҳамкорлик тўғрисида меморандум имзоланди.
Ҳужжат томонларнинг қўшма рақамли лойиҳаларни ривожлантириш, тажриба алмашиш ва инновациялар ҳамда сунъий интеллект соҳасидаги миллий ваколатларни мустаҳкамлаш ниятларини мустаҳкамлайди.
Ҳамкорликнинг устувор йўналишлари орасида давлат бошқаруви тизимига сунъий интеллектни жорий этиш, мултимодал тил моделини (LLM) яратиш, шунингдек, энергия самарадорлиги ва хавфсизлик соҳаларида ечимларни ишлаб чиқиш бор.
Келишувларни амалга ошириш ЕОТБ Рақамли ташаббуслар жамғармасининг молиявий ва эксперт имкониятларидан фойдаланиш имконини беради. Жумладан, банкка аъзо мамлакатлар ўртасида технологиялар алмашинуви ва рақамли интеграцияни ривожлантиришга қаратилган грант дастурлари ҳам шулар қаторига киради.
Тожикистонда лойиҳалардан бирини амалга ошириш аллақачон бошланган -" Душанбе шаҳрининг электрон харитаси" рақамли платформаси ишлаб чиқилмоқда.