ТОШКЕНТ, 3 ноя – Sputnik. Афғонистоннинг Самангон провинциясида бугун тунда 7 балли зилзила қайд этилди ва унинг таъсирида Ўзбекистонда ҳам 5 баллгача силкиниш кузатилди. Бу ҳақда Фавқулодда вазиятлар вазирлиги матбуот хизмати хабар берди.
Зилзиланинг Ўзбекистон ҳудудидаги сезилиш кучи қуйидагича:
Сурхондарё вилоятида — 5 балл;
Қашқадарё вилоятида — 3–4 балл;
Самарқанд, Жиззах, Навоий, Бухоро ва Сирдарё вилоятларида — 3 балл;
Тошкент шаҳри ва Фарғона вилоятида — 2–3 балл.
Ҳозирги вақтга қадар зилзила оқибатидаги талафотлар ҳақида маълумот келиб тушмагани қайд этилган.
Сўнгги маълумотларга кўра, Афғонистонда зилзила оқибатида вафот этганлар 20 нафарга, жабрланганлар 300 нафарга етган.