ТОШКЕНТ, 10 окт – Sputnik. Ўзбекистон ташқи ишлар вазири Бахтиёр Саидов Душанбе шаҳрида Мустақил Давлатлар Ҳамдўстлиги (МДҲ) Ташқи ишлар вазирлари кенгаши йиғилишида иштирок этди. Бу ҳақда ТИВ матбуот хизмати хабар берди.
"Бугун Душанбе шаҳрида бўлиб ўтган Мустақил Давлатлар Ҳамдўстлиги Ташқи ишлар вазирлари кенгашининг йиғилишида иштирок этдик. Ҳамкасбларимиз билан биргаликда МДҲ доирасидаги кўп томонлама ҳамкорликни янада ривожлантириш, шунингдек, сиёсий, иқтисодий, гуманитар ва бошқа соҳалардаги алоқаларни мустаҳкамлаш билан боғлиқ кенг кўламли масалаларни кўриб чиқдик"— деб ёзди Саидов ўз Телеграм-каналида.
Муҳокамалар якунида Кенгаш МДҲ Давлат раҳбарлари Кенгаши йиғилишида кўриб чиқиш учун тақдим этиладиган бир қатор ҳужжатлар лойиҳалари маъқулланди.