ТОШКЕНТ, 3 окт — Sputnik. МДҲ Мудофаа вазирлари кенгаши ҳузуридаги ҳаво ҳужумидан мудофаа масалалари бўйича мувофиқлаштирувчи қўмитанинг навбатдаги — 62-йиғилиши 2026 йил апрель ойида Ўзбекистонда бўлиб ўтади. Бу ҳақда РИА Новости хабар берди.
Маълумотга кўра, бундай қарор ҳақида Мувофиқлаштирувчи қўмита раисининг ўринбосари, Ҳаво-космик кучлар Бош қўмондонининг қурол-яроғлар бўйича ўринбосари генерал-полковник Юрий Грехов қўмитанинг 61-йиғилишида маълум қилди.
"Ўзбекистонлик ҳамкасбларимизнинг таклифига биноан қўмитанинг навбатдаги йиғилишини 2026 йил апрель ойида Тошкент шаҳрида ўтказишни режалаштирмоқдамиз. Йиғилиш иштирокчиларига самарали иш учун миннатдорчилик билдираман", — деди Юрий Грехов.
Айтиш жоизки, бу йилги йиғилиш илк бор Удмуртияда ўтказилмоқда.