ТОШКЕНТ, 2 окт – Sputnik. “Хориждаги россиялик ўқитувчи” лойиҳаси доирасида “Рус тили — миллатлараро мулоқот ва дўстлик тили” мавзусидаги видеоанжуман ўтказилди. Бу ҳақда лойиҳа матбуот хизмати хабар берди.
Таъкидланишича, анжуманда Ўзбекистон, Миср, Қозоғистон ва Тожикистон мактаб ўқувчилари иштирок этишган.
Русский язык – язык межнационального общения и дружбы
© Foto : Проект "Российский учитель за рубежом"
Телекўприк давомида турли мамлакатлардаги мактаб ўқувчилари ўзаро реал вақт режимида мулоқот қилиб, ўз юрти, маданияти, миллий анъаналари ва урф-одатлари ҳақида тайёрлаган тақдимотлари билан ўртоқлашган. Шунингдек, шахсий ҳаётларидан қизиқарли воқеалар ва фактлар билан ҳам рус тилида бўлишишган.
“Халқаро телекўприк – бу рус тилининг бугунги кунда ҳам халқлар ва маданиятлар ўртасида жонли кўприк бўлиб хизмат қилаётганининг яққол исботидир. Тил болаларга ўрганиш, мулоқот қилиш ва дўстлашишда чегараларни енгишга ёрдам беради”, – дея таъкидлади тожикистонлик педагог Анжела Саркисян.
Тадбир якунида бундай онлайн-учрашувларни мунтазам равишда ташкил этиш бўйича якдил қарорга келингани айтилди.
Маълумот учун, “Хориждаги россиялик ўқитувчи” халқаро гуманитар лойиҳаси Россия Маориф вазирлиги кўмагида амалга оширилмоқда.