ТОШКЕНТ, 28 сен – Sputnik. Венгрия бош вазири Виктор Орбан Владимир Зеленскийни унинг Венгрия дронлари тўғрисидаги баёнотларига жавобан Будапештни таъқиб қилишни бас қилишга чақирди.
“Венгрия НАТО ва ЕИ аъзосидир. Бу икки ташкилот қўлловисиз Украина аллақачон парчаланиб кетган бўларди. Президент Зеленский, бўлган ҳурматимга қарамай, бизни таъқиб қилишни бас қилинг”, - дея ёзди Орбан ўзининг X ижтимоий тармоғидаги саҳифасида.
26 сентябрь куни Зеленский Венгрия Украина ҳаво майдонини бузгани ҳақида маълум қилганди. Венгрия ТИВ раҳбари Петер Сийярто бу баёнотга жавобан “Зеленский Венгрия қарши кайфиятдан ақлдан озганини” айтди.
Киев ва Будапешт муносабатлари таранглигича қолмоқда. Венгрия ҳукумати Украинанинг шошма-шошарлик билан Европа Иттифоқига аъзо бўлишига йўл қўймаслигини маълум қилган, чунки бу Европа иқтисодиётини барбод қилади ва Россия билан бевосита қуролли тўқнашувга олиб келади.