ТОШКЕНТ, 17 сен – Sputnik. Европа Иттифоқи (ЕИ) ва НАТО мамлакатлари етакчилари Украинадаги вазиятни тинч тартибга солиш жараёнини барбод қилишга уринишмоқда. Бу ҳақда Россия ташқи ишлар вазири Сергей Лавров маълум қилди.
"Евроиттифоқ ва НАТО Брюссели айнан шундан келиб чиқмоқда: улар (Европа етакчилари – таҳр.), албатта, тинчлик жараёнини барбод қилишмоқчи”, - деди Россия ТИВ раҳбари Украина можаросига бағишланган хорижий элчилар учун давра суҳбатида. Унинг сўзларидан РИА Новости иқтибос келтирган.
Лавровнинг сўзларига кўра, европаликлар ва Украина режими АҚШ президенти Дональд Трампни тинчликпарвар саъй-ҳаракатларидан воз кечишга, Россия билан зиддиятга қайтишга кўндиришга уринишмоқда.
“Аслида улар “Байден урушини” “Трамп урушига” айлантиришга уринишмоқда. Аниқ равшанки, кўплаб Европа етакчилари, жумладан, Париж, Берлин, Лондон и Брюссель буни ташвишига тушишган”, - деди у.
Россия ТИВ раҳбари ўз сўзларининг дадили сифатида Европа Россия ва АҚШ президентларининг Аляскадаги учрашувига жуда салбий муносабат билдирганини эслатди.